
Ҳатто кичик зирапча ҳам оғриқ, маҳаллий тўқималарнинг яллиғланиши ва кейинги асоратларга сабаб бўлиши мумкин (қўл-оёқ ҳаракатчанлигининг чекланиб қолишигача).
Зирапчани кирган жойида тегмасдан қолдириш мумкин ва бироз вақт ўтгач, зирапча ўз-ўзидан чиқиб кетади, деган нотўғри тушунча мавжуд. Албатта, бу нотўғри ёндашувдир. Ҳар қандай зирапча(тикон) имкон қадар тезроқ олиб ташланиши керак.
Зирапчаларни олиб ташлашнинг турли хил «халқона» усуллари мавжудлигини биламиз – ёпишқоқ лента (скотч) ёрдамида чиқариб олишга уринишдан бошлаб, турли компресс ва малҳамлар суртишга қадар…
Бироқ, агар зирапчанинг учи ташқарига чиқиб турган бўлса, унда уни олиб ташлашнинг энг ишончли воситаси ҳали ҳам, албатта, кичик мўйчинакдир. Асбобни ишлатишдан олдин унга аввало, антисептик, йод ёки спиртли эритма билан ишлов бериш керак бўлади. Зирапчанинг чиқиб турган учини мўйчинак ёрдамида маҳкам ушланг ва уни қарама қарши йўналишга оҳисталик билан тортинг.
Терини сиқманг ёки зирапча яқинидаги жойга босим қилманг – акс ҳолда у янадачуқурроқ кириб кетиши мумкин. Тиконни муваффақиятли олиб ташлаганингиздан сўнг, тикон ўрни – ярани антисептик (масалан, Бетадин эритмаси) билан дезинфекциялаш ва уни пластирь(малҳамли мато) билан боғлаб, ёпиб қўйиш керак бўлади.
Агар зирапча тери остига чуқур кириб кетган бўлса, уни қандай олиб ташлаш мумкин? Бундай ҳолатда Сиз шифокор билан маслаҳатлашингиз ёки баъзи ҳолларда мустақил равишда ҳаракат қилишингиз керак. Зирапчани суғуриб олиш жараёнини эҳтиёткорлик билан бажарсангиз, ортиқча шикастланиш ва оғриқдан халос бўласиз.
Чуқур кирган зирапчани игна ёрдамида қандай олиб ташлаш мумкин?
Агар зирапча тери остига чуқур кирган бўлса, уни игна ёрдамида чиқариб олиш мумкин. Қўрқманг, бу унчалик ҳам осон бўлмаган ишга тўғри ёндашилса, олинадиганжароҳатлар ва ҳис қилинадиган оғриқлар минимал бўлади ва зирапча муваффақиятли олиб ташланади.
Олиб ташлашдан олдин игнага антисептик билан ишлов беринг. Эҳтиёткорлик билан игна учини тери остига, зирапчанинг ён томонидан борадиган қилиб киритинг ва оҳисталик билан тиконни ташқарига итаринг.Муваффақиятли олиб ташлашдан сўнг, зирапча кирган жойда ҳосил бўлган ярагаантисептик эритма билан ишлов беринг. Масалан, йод билан. Яра устига пластирь(малҳамли мато) ёпиштиринг ёки бинт билан боғлаб қўйинг.